RAGAM TEMBANG MACAPAT MIJIL

TEMBANG MACAPAT MIJIL

Ragam 1

Poma kaki dipun eling

Ing pitutur ingong

Sira uga satriya arane

Kudu anteng jatmika ing budi

Ruruh sarta waris

Samubarangipun

Ragam 2

Duksamana durung ana listrik

Nganggo lampu teplok

Padhang mbulan tur akeh kancane

Tetembangan njoget genti-genti

Majune di gilir

Surak rame gupyuk

Ragam 3

Andhe dhuh biyung wayah apa iki

Rembulan wus ngayom

Ing gegana ting abyor lintange

Titi sonya puspita kasilir

Marutaris kengis

Sumrik gandanyarum

Ragam 4

Nggaru mluku nganggo kebo sapi

Durung ana traktor

Jam sepuluh teka kirimane

Bapa tani enggala nglereni

Nggone nambut kardi

Nuli mentas wisuh

Ragam 5

Dipun nedya prawira ing batin

Nanging aja katon

Sasabana yen durung mangsane

Kakendelan aja wani mingkis

Winika ing batin

Den samar ing semu

Baca juga: Ragam Tembang Macapat Pocung

Ragam 6

Lan dimanteb mring panggawe becik

lawan wekasingong

aja kurang iya panrimane

yen wis tinitah marang Hyang Widhi

ing badan puniki

wis papancenipun

Ragam 7

Deda lanne guna lawan sekti

Kudu andhap asor

Wani ngalah dhuwur wekasane

Tumungkulla yen dipundukanni

Ruruh sarwa wasis

Samubarangipun

Ragam 8

Padha dipun eling mring pitutur ing ngong

Sira uga satriya arane

Kudu anteng jatmila ing budi

Ruruh sarta wasis

Samubarangipu

Ragam9

Lanang wadon ora ana kari

Bisane kalakon

Kacukupan kang dadi butuhe

Kanggo srana anggone leladi

Labuh ing nagari

Bekti ing Hyang agung

Ragam 10

Jawa tengah dadi lumbung pari

Asil gotong royong

Panca usaha katindakake

Para warga sarta para tani

Sregep nyambut kardi

Mamrih adil makmur