RAGAM TEMBANG MACAPAT GAMBUH

TEMBANG MACAPAT GAMBUH

Ragam 1

Sekar gambuh ping catur

Kang cinatur polah kang kalantur

Tanpa tutur katula-tula katali

Kadulu warsa kapatuh

Katutuh pan dadi awon

Ragam 2

Ana wong uwis sepuh

Duwe anak loro tan langkung

Lanang wadon wis diwasa tekeng wanci

Kang watek kosok wangsul

Ngalor ngidul nora cocok

Ragam 3

Marmane sira sagung

Aneng donya ywa kong si kaugung

Dipun becik mring sasama ning dumadi

Supaya nora kaduwung

Mrih rahayu ning lalakon

Ragam 4

 Beda lan kakangipun

Uwis bodhokesete kalangkung

Tur wegahan lumuhan sabarang kardi

Boros ngebreh tanpa petung

Apa-apa ora enjoh

Ragam 5

Kang wadon banget wungkul

Wekel sregep samubarang laku

Dasar gemi nastiti sarwa mrantasi

Pagaweyan kasar alus

Kabeh gelem ara mopo

Baca juga: Ragam Tembang Macapat Sinom

Ragam 6

Sikidang umbagipun

Ngadelaken kebat lumpatipun

Pan si gajah ngadelaken gung kang inggil

Ula ngadelaken iku

Mandine kalamun nyakot

Ragam 7

Lan sembah sungkem ipun

Mring Hyang Sukma elinga sireku

Apan titah sadaya amung sadermi

Tan welangsira andhaku

Kabeh kagungan Hyang Manon

Ragam 8

 Yen wong mangkono iku

Nora pantes cedhak mring wong agung

Nora wurung anuntun panggawe juti

Nanging ana pantesipun

Wong mangkono didhedheplok

Ragam 9

Aja nganti kabanjur

Barang polah ingkang nora jujur

Yen kabanjur sayekti kojur tan becik

Becik ngupayaa iku

Pitutur ingkang sayektos

Ragam 10

Pitutur bener iku

Sayektine apantes tiniru

Nadyan metu saking wong sudra pepeki

Lamun becik tuturipun

Iku pantes sira anggo