RAGAM TEMBANG MACAPAT DURMA

TEMBANG MACAPAT DURMA

Ragam 1

Ayo kanca gugur gunung bebarengan

Aja ana kang mangkir

Amrih kasembadan

Tujuan pembangunan

Pager apik dalan resik

Latar gumelar

Wisma asri kaeksi

Ragam 2

Palarasan undurrira saking tanam

Kuneng wuwusen malih

Sang ramawijaya

Lawan ari laksmana

Kidang mas kang sampun keni

Pejah binekta

Marang nggene kang rayi

Ragam 3

Bener luput ala becik lawan begja

Cilaka mapan saking

Ing badan priyangga

Dudu saking wong liya

Pramila den ngati ati

Sakeh dirmaga

Singgah ana den aglis

Ragam 4

Paman- paman apa wartane ing ndalan

Ing ndalan keh pepati

Mati kena apa

Mati pinendang ligan

Ing jaja terusing gigir

Akari raga

Badan kari gumlinting

Ragam 5

Matur nembah duk wau kawula tengga

Sedheng kidang munya njrit

Tinarka paduka

Nimbali ing kawula

Dadya kawula tinuding

Nusul paduka

Nanging kawula ajrih

Baca juga: Ragam Tembang Macapat Asmarandana

Ragam 6

 Apa silih pinangan ing mong ta sira

Nulya prapta ning ari

Laksmanawidagda

Pucat kena ing wisa

Martyas sang Rama nulya ngling

Ari laksmana

Mantili anengngendi

Ragam 7

Krodha ngunus candrasa Rahwana mangsah

Galak mangkrak angerik

Candra samakilat

Hingayat tan umesat

Janthayu miber ngungkuli

Gumreng ngawiyat

Dasamuka nuntuti

Ragam 8

Mituturi sang putri mantili dirja

Yen ramabadra mangkin

Myarsa jrih dosanya

Denira numpes ditya

Ing balane Sri bupati

Mila tan nedya

Ngupaya garwaneki

Ragam 9

Tiningalan tan ana wau kang garwa

Lawan ta ing kang rayi

Laksmana punika

Dereng panggih lan raka

Wau duk panusulneki

Tibeng wewisa

Pucat netya maputih

Ragam 10

Kadya pinuh sariranya dening kang rah

Wau ta sang apekik

Regawa kumesar

Muring ring tyas mangarang

Marang ngendi sira yayi

Jarang hingungak

Manawatibeng trebis